جرب مش هتخسر

ليه دايما كل واحد فينا يرمى أخطاءه على غيره ليه مش بنحاول نواجه الحقيقه وبنهرب منها . ليه بنخاف نقول ان احنا اللى غلطانين او احنا اللى عملنا مش فولان اللى عمل او السبب او ان الحكومه هى السبب . فى حياتنا الشخصيه دايما بنختار شماعه نعلق عليها اخطاءنا بالرغم من ان احنا اللى بنكون عملنا الغلط ده او احنا السبب فيه بس للاسف مش بنقدر نقول كده يا ترى ليه خوف ولا مش عايزين نتحمل مسؤليه ولا علشان ايه بالظبط ؟ اما بقى فى حياتنا العامه اى حد بتواجه مشاكل فى شغله اة فى اى حاجه يعقد ويقول اصل الحكومه السبب اصل بتوع الحكومه ولاد كذا وولاد كذا . ليه بنرمى كل حاجه على الحكومه زى مثلا الشوارع نغقد ونقول اصل الشوارع مش نظيفه والزباله فى كل مكان تلاقنا نعقد نقول اصل الحكومه هى السبب لا مش هى السبب هى مجنش وقالتلك ارمى الزباله فى الشارع صحيح فى سوء تخطيط واضح لأى حد بس بردو ليه مش بنقول لنفسنا ان احنا اللى رامينا الزباله دى فى الشارع ليه بنعقد نقول الرشوه والمحسوبيه صحيح كل حاجه بقت ماشيه كده بس بردو احنا مسؤلين فى جزء كبير عنها المشكله فى ان اللى بياخد رشوه بيستغل سلطات وظيفته وبيتحكم فى مصالح ناس الدقيقه بتفرق معاهم بس الحكومه مقلتلوش ارتشى او خلى فى محسوبيات . الحكومه مسؤله عن حاجات كتير وكوارث كتير محدش يقدر ينكر كده بس مش معنى كده ان هى مسئوله عن كل حاجه مش مسئوله عن رمى الزباله مش مسئوله عن انها تفضل تقول لكل واحد ده صح وده غلط صحيح فى عدم تقدير منها لحاجات كتير لكل المواطن المصرى بس مش معنى كده اننا نكره البلد اننا نشوه سمعته بلدنا فى كل حته او اننا نعلق غلطاتنا عليها وكان مفيش حد بيغلط وهى اللى غلطانه على طول . احنا كلنا فى حياتنا لينا اخطاء ولازم نعرفها وبردو لازم نواجها سواء فى حياتنا الشخصيه او الاجتماعيه الحكومه بردو ليها دور فى مشاكلنا محدش يقدر ينكر بس ليه مش نبدأ بنفسنا الاول ليه منقررش نواجه مشاكلنا ليه منصلحش اخطاءنا بنفسنا مش لازم نقعد نتفرج على طول صلح من نفسك الاول بعدين اطلب من غيرك يصلح نفسه بجد صلح نفسك من جواك بجد يوم ما تعمل كده يوم ما هتجبر اى حد ان كمان يصلح من نفسه حتى لو كانت الحكومه نفسها . جرب تحب الناس جرب متغلطتش جرب متتعصبش صحيح احنا مش ملائكه بس نجرب مش هنخسر حاجه جرب مترميش حاجه فى الشارع جرب متديش رشوه علشان تخلص مصلحتك جرب متجرحش حد ولا تجيب فى سيره حد ولا تتريق على حد علشان انت ممكن فى يوم تكون مكان الشخص ده اوعى تقول استحاله لان ربنا قادر على كل شئ . بجد لو جربنا الحاجات الحلوه قبل الوحشه ممكن نقدر نتغير اكيد كمان هنتغير للاحسن ونغير مجتمعنا للاحسن ممكن كل حاجه تبقى احلى بس لازم نحاول لازم نجرب لازم نتخلى عن مبدأ الشماعه اللى بنعلق عليه حياتنا اخطاءنا ظروفنا جرب تكون راضى باللى قسمه ليك ربنا متبصش لغيرك متقولش يارتنى كان معايا فلوس ده انا كنت هعمل وهعمل وهعمل مين قالك ان لو ربنا كان اداك فلوس كتير كنت هتقدر تعمل حاجه محدش يعرف الغيب غير ربنا ولازم نكون متأكدين ان ربنا هو اللى بيدى كل حاجه وهو اللى بيقسم الرزق وان مش بينسى حد.

الايمان بالخرافات

هل تحولت المساجد من مكان للعباده وقرأ ته القرآن الى مكان للاتجار بالدين والقرآن وممارسه الدجل والشعوذه واستغلال الجهل الدينى والبعد عن الله سبحانه وتعالى وهل اصبح المشرف على المسجد شخصا مبروكا ذو فكر وعلم من الله واصبح ذو كرامات واستعمال القران لكى يحمى الناس من كل شر.
يوجد فى مصر العديد من المساجد التى يوجد بيها كتير من الاوليه التى يوجد لهم مقام يتردد عليه الناس الذين يؤمنون بالبدع والخرافات والازدحام الشديد على المقام لطلب طلب او امنيه ولكن الكلام ده بيتعارض مع الدين و بيعتبر دجل وتشويه للدين. كما ان الدجل والاتجار بالدين وتصديق الخرافات والدجالين ليس له اساس من الصحه فى الشريعه الاسلاميه وقد حرم الله فى القرآن الدجل والاتجار بالدين .
ويعتر الدجل من اشهر الوسائل لكسب الما ل والاستخفاف بعقول الناس والمتجاره فى خصوياتهم ,حيث انها تلعب دورا كبيرا فى التحكم فى التفكير والسيطره على عقول الناس حيث انهم اصبحوا يعتقدون ان الايمان بهذه الخرافات تمنحنهم الراحه النفسيه والطمأنينه والهدوء والقوه كما انهم اصبحو ينفقون الكثير من الاموال لعتقادهم ان هذا الطريق سوف يحقق لهم طلباتهم وامنياتهم وعلاج المريض وزواج البنات التى تأخرت فى سن الزواج والذى لديه حق ويريد استرداد حقه والذين ظلموا من شخص ما ولا ييستطيع أخّذ حقه يلجؤن لتلك البدع ظننا منهم بأن سيدنا الحسين او او السيده عائشه او السيده نفيسه او ان المشرفين على تلك الأماكن يحملون بكركاتهم صحيح ان الاماكن دى تشعر فيها براحه وروحنيات جميله وان هؤلاء الناس لهم مكانه خاصه ولكن هما كانوا بشر زينا زيهمم.والغريب ان الناس اصبحوا بنفقون الملايين على هذه الخرافات ومن اكثر الطبقات انتشارا لهذه الظاهره الطبقه الفقيره التى تصدق البدع والخرافات والدجل والشعوذه والايمان بالاوليه فى التى لاتملك سوى الجهل وقله العلم وعدم الوعى حيث انها تينتشر بنسه كبيره جدا والغريب ان تلك الطبقه التى تعانى من الفقر الشديد والتعتيم الفكرى والعقلى ينفقون وبكثره وبدون تردد على هذه الخرافات والبدع والدجل ولكن الاغرب من ذلك ان انتشار الخرافات والبدع اصبح يوجد فى طبقات المجتمع الراقى ذو الوعى والادراك العقلى والفكر . حيث ان اصحاب النفوس الضعيفه هم الذين يلجؤن لهذه الظواهرالتى صارت كارثه من كوارث المجتمع . ولكن هل انتشار الخرافات والبدع والدجل فى الفترات الأخيره الذى برجع إلى قله الوعى الدينى والإتجار بالدين الذى انتشر بكثر فى الفتره الاخيره وخصوصا فى الفنوات الفضائيه وكثره رجال الدين والأراء الدينيه اما بسبب قله الصبر والحيله عند الناس وذلك بسبب الظروف الإجتماعيه ولاقتصاديه وسرعه الحياه ويمكن لوجود اغلب هذه الأسباب التى ادت لوجود هذه الظواهر ولكن لابد من وجود وعى فكرى ودينى لدى الناس من جميع طبقات المجتمع المختلفه لمعرف ان تلك الخرافات والبدع والدجل حرمها الله فى جميع الأديان السماويه وان الذين يؤمنون بالأوليه ويذهبون للأماكن التى يوجد بيها مقام هذا الولى ما هة الإ بشر مثلنا لا يستطيع تحقيق طلباتك او امنيات ولكن الله وحده الذى قادر على كل شئ .

جالك اوان وعرفت قيمتى

وعرفت معنى صبرى وصمتى

دا مكنش ضعف واديك عرفت

انا اد ايه حبى وغلاوتى

رميت بإيديا حاجات كتير فى المهملات

صور وجوابات ومذاكرات زى المخلفات

معرفش ليه دلوقتى اشتقت ليهم مع انهم

بالنسبه ليا كانو مهملات

فيه ناس تقول نعيش فى الدنيا يسر

وناس تقول نعيش نموت هى عسر

ولا حد قال ابدا انها بين البنين يسر

مع عسر وراب ما بينهم جسر

AMR

هل السجن افضل ام الجامعه؟؟؟؟؟؟؟؟؟؟؟؟

فى السجن بتبقى عارف حا تتخرج امتى!
فى السجن بتبقى عارف ان الاشغال الشاقه حاتنتهى بعد التخرج !
السجانين بيبقى الطف من ..........؟
فى السجن بتكسر زلط بالنهار بس وتنام باليل زى خلق الله .

فى السجن محدش بيقطع الورق اللى سهرت عليه طول الاسبوع .
لو خرجت من السجن مش ممكن تدخله برجليك تعمل فى دراسات عليا.

مش ممكن واحد مسجون يخرج قبلك بسنه يعينوه شاويش ويتنطط عليك .
مفيش سجانين صغيرين بيهزؤا النزلاء علشان يتمنظروا قدام البنات.

انفلونزا الخنازير

قالوا الوباء والعدوى ماشيه فى كل مكان
والمرض داير وجاى جاى يا غلبان ايها
الساده الإنفلونزا جايه با لخنازير والطيور
ما انت خلاص بقيت بقيت ملطشه يا انسان

البيوت زى الامواج

ورا كل باب مقفول 1000 سر
فرح ونكد وسعاده وشجن وحلو ومر
ما اهو اى بيت عامل كما الموجه
مد وجزر موجه تغرق وموجه تمر